Tipos de cooperativas:
Cooperativas de traballo asociado
Asocian a
persoas naturais para o desenvolvemento dalgunha actividade, cooperativizando a
prestación do traballo. Proporciónalles aos socios e socias postos de traballo,
e producen en común bens e servizos.
Cooperativas de servizos
Asocian a
persoas físicas e/ou xurídicas, titulares de actividades industriais ou de
servizos, así como a profesionais e artistas que exerzan as súas actividades
por conta propia. Teñen por obxecto a prestación de subministracións e servizos
e mais a realización de operacións encamiñadas á mellora económica e técnica
das actividades profesionais ou das explotacións dos seus socios.
Cooperativas de consumidores e usuarios
Asocian a
persoas físicas ou xurídicas que sexan destinatarios finais.Teñen por obxecto a
procura de bens e servizos para o consumo de socios e socias nas mellores
condicións de calidade, prezo e información.
Cooperativas agrarias
Asocian a
persoas físicas e xurídicas titulares dunha explotación agrícola, forestal ou
gandeira. Teñen por obxecto a prestación de subministracións e servizos e mais
a realización de operacións encamiñadas á mellora económica e técnica das
explotacións dos seus socios.
Cooperativas de transportistas
Asocian a
titulares de empresas de transportes ou profesionais que exerzan a actividade
de transporte. O obxecto é prestar servizos de transporte ou ben realizar
actividades que fagan posible este obxecto.
De estar
formadas por persoas naturais que lle prestan á cooperativa o seu traballo
persoal, considéranse cooperativas de transportistas de traballo asociado.
Cooperativas do mar
Asocian a
titulares de explotacións dedicadas a actividades pesqueiras, de industrias
marítimo-pesqueiras, marisqueo e derivadas, e aos profesionais das devanditas
actividades. O seu obxecto é a prestación de subministracións e servizos e mais
a realización de operacións encamiñadas á mellora económica e técnica das
actividades profesionais ou das explotacións dos seus socios.
Cooperativas de explotación comunitaria da terra
Asocian a
titulares de dereitos de uso e aproveitamento da terra e a titulares doutros
bens inmobles, presten ou non o seu traballo, así como a quen, sen ceder ningún
dereito de uso, vai prestar o seu traballo nela. O seu obxecto é a explotación
agraria en común dos bens cedidos.
Cooperativas de explotación dos recursos acuícolas
Asocian a
titulares de dereitos de uso e aproveitamento de bens, relacionados co
exercicio de actividades de explotación dos recursos acuícolas, presten ou non
o seu traballo, así como a quen, sen ceder ningún dereito de uso, vai prestar o
seu traballo nela. O seu obxecto é a explotación de recursos acuícolas en común
por parte das persoas asociadas.
Cooperativas de vivendas
Asocian a
persoas físicas que precisan aloxamento ou instalacións complementarias á
vivenda. Teñen por obxecto procurar vivendas, locais ou instalacións
complementarias para os seus socios.
Cooperativas de ensino
Hai dúas
modalidades: as que asocian a pais e nais do alumnado ou ao propio alumnado,
que funcionan como unha cooperativa de consumo e usuarios; e as que asocian ao
profesorado e ao profesional non docente e de servizos, que funcionan como unha
cooperativa de traballo asociado. Teñen por obxecto desenvolver actividades
docentes, e poden realizar tamén con carácter complementario outras actividades
que faciliten o seu obxecto principal.
Cooperativas de servizos sociais
Asocian a
persoas físicas que prestan o seu traballo na cooperativa e, a maiores, poden
participar como socios as administracións ou entidades públicas ou os axentes
sociais colaboradores na prestación de servizos. Teñen por obxecto a
realización de servizos sociais públicos ou privados.
Cooperativas de integración social
Asocian a
persoas naturais de colectivos excluídos e mais aos seus titores e titoras e ao
persoal de atención. Tamén poden participar como socias as administracións ou
entidades públicas. Teñen por obxecto a prestación de servizos educativos,
asistenciais, laborais e sanitarios ou calquera outra actividade económica coa
que poidan integrarse laboralmente persoas que sufran calquera tipo de
exclusión social.
Cooperativas de crédito
O seu
obxecto é cubrir as necesidades financeiras das persoas asociadas e de
terceiras persoas. Exercen actividades económicas propias das entidades de
crédito.
Cooperativas de seguros
Asocian a persoas
físicas e/ou xurídicas que exercen a actividade de asegurador.
Existen dúas modalidades: as que teñen por obxecto cubrir en común os riscos
asegurados dos asociados e asociadas, funcionando como cooperativas de consumo
e de usuarios/as; e as que asocian a persoas físicas que achegan o seu traballo
e se dedican á actividade aseguradora e cobren os riscos de calquera asegurado,
funcionando neste caso como cooperativas de traballo asociado.
Cooperativas sanitarias
Teñen por
obxecto desenvolver actividades sanitarias. Poden ser de varios tipos:
cooperativas sanitarias de seguros, nas que o obxecto consiste en cubrir riscos
relativos á saúde; cooperativas sanitarias de traballo asociado, formadas por
persoal da saúde e/ou persoal sanitario; cooperativas sanitarias de
consumidores, formadas por persoas físicas ou xurídicas co fin de obteren
asistencia sanitaria.
Cadro resumo:
CLASIFICACIÓN DAS
COOPERATIVAS
|
Clasificación Xeral
|
Tipoloxía Xeral
|
Características
|
Cooperativas
de Traballo Asociado
|
·
cooperativas de traballo asociado
·
cooperativas agrarias
·
cooperativas de explotación comunitaria da terra
·
cooperativas de transportistas
·
cooperativas de ensino
·
cooperativas de integración
social
·
cooperativas de servizos
sociais
·
cooperativas sanitarias
|
Asocian
a persoas que van a desenvolver unha actividade cooperativizando o seu
traballo.
Proporciónalles
aos socios e socias postos de traballo.
Necesitan
un mínimo de 3 socios para constituirse.
|
Cooperativas
de Servizos
|
·
cooperativas agrarias
·
cooperativas de servizos
·
cooperativas de transportistas
·
cooperativas do mar
·
cooperativas de explotación dos recursos acuícolas
·
cooperativas de seguros
|
Asocian persoas físicas ou xurídicas
que sexan titulares de actividades económicas, ou empresariais.
Prestarán subministros, servizos ou
producirán bens que favorezan económica e técnicamente as actividades
profesionais dos seus socios.
|
Cooperativas
de consumidores e usuarios
|
·
cooperativas de consumidores e usuarios
·
cooperativas de vivendas
·
cooperativas de ensino
·
cooperativas de crédito
·
cooperativas sanitarias
|
Asocian
a persoas físicas co obxecto de obter bens e servizos para o consumo e uso
dos socios e socias en boas condicións de calidade e prezo.
|