Cada día máis persoas centran a súa mirada no medio rural galego como
alternativa para combater a dura crise, desanimados pola escaseza de
oportunidades nas grandes cidades, pero tamén en busca dunha nova vida.
Aínda que non se pode falar dun éxodo representativo -en Galicia
hai preto de 1.400 núcleos rurais despoblados-, a difícil conxuntura
económica contribuíu a sacar a decenas de pobos do esquecemento, en
ocasións polas iniciativas dos concellos, que tratan de facer fronte ao
despoboamento e ao envellecemento da súa poboación.
As diferentes axudas existentes, nas administracións autonómicas e locais, parecen animar aos máis novos a sacar os apeiros de labranza, recuperar casas abandonadas e a cultivar horta e viñedos, como alternativa ao mercado laboral.
Entre outros, destacamos o caso da cooperativa de traballo asociado "Como cabras", creada a finais do 2005, pola inciativa de Jorge Rincón e a súa parella Rocío Sanz. Estes dous empresarios motivados por crear o seu propio posto de traballo dentro dun contexto asociativo,
decidiron deixalo todo hai xa catorce anos, abandonar Madrid e pór en
marcha a cooperativa 'Como Cabras', en Castro Caldelas (Ourense), para
producir queixo, nunha zona ameazada pola despoboación e o abandono do medio rural.
Logo de varios anos de traballo e tras conseguir unha subvención agraria en 2006, puxeron en funcionamento unha explotación gandeira que na actualidade ten 250 cabras e produce preto de 10.000 quilos de queixo.
Os dous coinciden en que os inicios non foron fáciles á hora de arrincar un negocio desta envergadura. "Hai que traballar moito e ordenar o gando todos os días", ademais de ser necesario contar con apoio económico.
E ti....non te animas a cooperativizar??
Ver artigo completo:
http://elprogreso.galiciae.com/nova/222996-emprendedor-rural-gallego-profesion-auge-frente-crisis
No hay comentarios:
Publicar un comentario