Axudas destinadas ás explotacións gandeiras, industrias agroalimentarias e establecementos de xestión de subprodutos, para a mellora da capacidade técnica de xestión de subprodutos de orixe animal non destinados ao consumo humano e se convocan para o ano 2012

O pasado 6 de agosto a Consellería de Medio Rural e do Mar, publicou no DOG as bases reguladoras das axudas destinadas ás explotacións gandeiras, industrias agroalimentarias e establecementos de xestión de subprodutos, para a mellora da capacidade técnica de xestión de subprodutos de orixe animal non destinados ao consumo humano e se convocan para o ano 2012.

Finalidade da axuda:
Axudas a pequenas e medianas empresas agrarias, industrias agroalimentarias e establecementos Sandach, para a mellora da xestión técnica dos Sandach segundo as condicións, finalidades e obxectos establecidos nos capítulos II, III, IV e V do Real decreto 1178/2008, do 11 de xullo, que se corresponden con catro liñas de axuda:

a) Axudas ás pequenas e medianas empresas agrarias.
b) Axudas a industrias agroalimentarias.
c) Axudas ao almacenamento e procesamento intermedio de subprodutos.
d) Axudas a plantas de transformación, destrución e valorización de subprodutos.

Estarán excluídas da concesión do presente réxime de axudas as empresas que operen no sector da pesca e acuicultura, así como os subprodutos da pesca e da acuicultura.

Tipos de axuda:

Subvencións a fondo perdido en réxime de concorrencia competitiva, establecéndose 4 liñas de axuda:

1.- Axudas ás pequenas e medianas empresas agrarias (MR521A)
2.- Axudas ás industrias agroalimentarias. (MR521B)
3.- Axudas a establecementos Sandach de almacenamento e procesamento intermedio de subprodutos. (MR521C)
4.- Axudas a plantas de transformación, destrución e valorización de subprodutos. (MR521D) 

Prazo de solicitude de axuda:

O prazo para a presentación de solicitudes será de un mes a partir do día seguinte ao da publicación desta orde no Diario Oficial de Galicia. 

Consultar texto completo da axuda no seguinte enlace:  

ORDE do 30 de xullo de 2012 pola que se establecen as bases reguladoras das axudas destinadas ás explotacións gandeiras, industrias agroalimentarias e establecementos de xestión de subprodutos, para a mellora da capacidade técnica de xestión de subprodutos de orixe animal non destinados ao consumo humano e se convocan para o ano 2012. (DOG nº 149, 6 de agosto de 2012)