Apertura da Oficina de Fomento Cooperativo

O Concello de Sobrado, xunto cos de Toques, Boimorto e Vilasantar contan desde este mes de agosto cun novo servizo para a creación de emprego cooperativista e fomento da economía social, a través da Oficina de Promoción do cooperativismo, na que todas as persoas interesadas poden informarse.

A oficina está subvencionada pola Dirección Xeral de Relacións Laborais, a través da Consellería de Traballo e Benestar, formando parte da Rede Eusumo.

Nela realizaranse actividades de formación, información, promoción e sensibilización á sociedade para divulgar os valores cooperativos dando apoio a emprendedores e promotores cooperativistas, facendo especial fincapé nos mozos/as, desempregados/as e mulleres en xeral. 

Este servizo asesorará sobre os trámites constitutivos e fará un acompañamento a proxectos de nova creación, dándolle soporte técnico.

CONTACTO

OFICINA FOMENTO COOPERATIVO 
CONCELLO DE SOBRADO

Praza Portal, s/n

15813 Sobrado

A Coruña

Tlf..981 787508

E-mail: maria.lloves@sobrado.dicoruna.es