O DOG nº 71 de data de 12 de abril de 2013 publica a Orde do 4 de abril
de 2013, pola que se establecen as bases reguladoras dos premios á
cooperación, e se procede a súa convocatoria para o ano 2013.
A finalidade destes premios é fomentar e difundir o cooperativismo, os seus principios e
valores, así como recompensar publicamente o labor que os
cooperativistas, cooperativas e outras persoas e institucións veñen
realizando a prol do desenvolvemento do movemento cooperativo en
Galicia.
Os premios outórganse pola realización dun destacado labor no eido do cooperativismo e contan coas seguintes modalidades:
- Premio aos valores cooperativos, para aquela cooperativa, entidade ou persoa que máis teña destacado no impulso dos valores cooperativos. (Dotación de 5.000 €)
- Premio ao mellor proxecto cooperativo, para o proxecto empresarial cooperativo de especial relevancia. (Dotación de 5.000 €)
- Premio á promoción do cooperativismo, para a persoa ou entidade que teña destacado especialmente no fomento do cooperativismo. (Dotación de 5.000 €)
O prazo de presentación das solicitudes e dos traballos remata o 15 de maio de 2013.
Ver texto completo:
No hay comentarios:
Publicar un comentario